Adxudicación do contrato para a elaboración dun inventario de camiños

/in /by

O Concello de Xermade adxudicou o servizo de elaboración do inventario de camiños á empresa Procat Ingeniería y Medio Ambiente, SL, con CIF B27712751, que acadou unha puntuación de 7,03 puntos, consonte á oferta presentada:

– Oferta económica: 14.800,00 euros e 3.108,00 euros de IVE (21%)

– Redución de prazo fase 1: reduce 2 meses

– Melloras ofertadas:

ACTUACIÓN

XEORREFERENCIACIÓN DO CATASTRO HISTÓRICO ANOS 50

XEORREFERENCIACIÓN DAS CONCENTRACIÓNS PARCELARIAS

XEORREFERENCIACIÓN DOS PLANOS REALIZADOS POR LOS TÉCNICOS MUNICIPAIS

FORMACIÓN DO MANEXO DO SISTEMA DE INFORMACIÓN XEOGRÁFICA (XIS) DE SOFTWARE LIBRE E DE CÓDIGO ABERTO EMPREGADO

O proxecto dividirase en dúas fases segundo o seguinte contido:

Fase 1 DOCUMENTO PARA APROBACIÓN INICIAL, que se dividirá en:

SUBFASE – 1.1 – Recompilación de documentación

SUBFASE – 1.2 – Delineación de camiños susceptibles de seren municipais

SUBFASE – 1.3·Resolución de dúbidas, modificacións, envorcado de datos, instalación do proxecto XIS e impresión de documento para a aprobación inicial

Fase 2 DOCUMENTO PARA APROBACIÓN DEFINITIVA, que se dividirá en:

SUBFASE – 2.1 – Resolución de alegacións.

SUBFASE – 2.2 – Modificación de base de datos, instalación proxecto definitivo e impresión do documento aprobado definitivamente.

A adxudicataria comprometeuse a realizar os traballos no prazo de oito meses dende a adxudicación.

Modernización e mellora da rede de abastecemento de auga en varias parroquias

/in /by

A empresa APEX SISTEMAS SL está executando o contrato de subministración de contadores de telelectura no municipio de Xermade, segundo o prego de prescricións técnicas redactado pola técnica municipal.

A modernización e mellora da rede municipal de abastecemento de auga pasa pola colocación 3 contadores na rede en alta á saída dos depósitos de Candamil, Roupar e Cabreiros e 220 contadores na rede en baixa de consumo individual con telelectura vía radio sistema Wireless MBUS OMS nas parroquias de Burgás, Candamil, Roupar e Xermade.

O presuposto de execución material da mellora da rede de abastecemento de auga potable ascende á
cantidade total de 41.571,90 € (COARENTA E UN MIL CINCOCENTOS SETENTA E UN euros con NOVENTA
céntimos). Incrementado este co 21 % correspondente ao IVE, resulta un presuposto de execución por contrata de 50.302,00 € (CINCUENTA MIL TRESCENTOS DOUS euros).

As actuacións deben estar executadas o 15 de novembro de 2023, ao estaren financiadas a través da Orde do 9 de febreiro de 2023 pola que se establecen os criterios e o procedemento para a distribución do fondo adicional ao Fondo de Cooperación Local destinado aos concellos de Galicia con poboación inferior a 15.000 habitantes (DOG n.º 34 do 17/02/2023), cunha axuda de 46.000,00 euros.

Andaina Xermade-Cazás

/in /by

Carreira Popular de Xermade

/in /by

Reunión de traballo coa arquitecta Luz Paz Agras

/in /by

O goberno municipal mantivo hoxe unha reunión coa arquitecta xermadesa Luz Paz Agras, da Universidade da Coruña, que fai parte do equipo redactor do proxecto de rehabilitación da Reitoral de Xermade, a fin de coñecer o estado de elaboración do proxecto de execución desta obra, que resultou beneficiaria dunha axuda por importe de 403.000,00 euros por parte do Instituto de Transición Xusta do Ministerio de Transición Ecolóxica e Reto Demográfico. Na reunión estiveron presentes tamén a secretaria-interventora e a técnica de urbanismo do Concello de Xermade.

Segundo o calendario previsto na addenda ao convenio asinado entre o Concello de Xermade e a Universidade da Coruña no 2023, o proxecto de execución debe estar ultimado o 31 de outubro de 2023, a fin de que a obra poda licitarse e estar adxudicada en febreiro de 2024, dado que o prazo de execución das obras estímase en 14 meses. O goberno municipal agarda que as obras estean rematadas no 2026, coincidindo co XXV aniversario do Encontro Internacional de Torneiros da Madeira de Xermade.

O pleno reuniuse en sesión ordinaria o xoves 14 de setembro

/in /by

A Corporación xermadesa celebrou sesión ordinaria do pleno o pasado xoves 14 de setembro ás 20.oo horas. Acordouse novamente fixar os festivos locais para 2024, posto que o luns de Santa María será o 12 de agosto de 2024 e non o día 5, tal como se acordara na sesión ordinaria celebrada o 20 de xullo de 2023, antes de constituirse a comisión de festas.

Por outra banda, acordouse conceder unha bonificación do 95% do Imposto de Construcións, Instalacións e Obras á Sociedade Agraria de Transformación CAVADAS, para as obras de ampliación de vacuno de leite en As Cavadas.

Na parte de control e fiscalización douse conta do Plan de acción elaborado pola Presidencia para dar resposta ás eivas detectadas pola Intervención no informe-resume de control financieiro do exercicio 2022, cumprindo así o disposto no RD 424/2017, que regula o réxime xurídico do control interno das entidades locais.

Tamén se dou conta da información remitida a través da Oficina Virtual de Coordinación Financeira coas Entidades Locais (OVEL), entre a que destaca o Período Medio de Pago do segundo trimestre de 2023, que é de 19,86 días.

O alcalde levantou a sesión animando a todos os presentes a visitar o XXIII Encontro Internacional de Torneiros da Madeira, que se celebrará en Xermade os días 15, 16 e 17 de setembro.

PLAN ALLEN RURAL

/in /by

Chega ó Concello de Xermade, da man de Fademur Galicia o PLAN ALLEN RURAL, financiado por IKEA, que ofrece formación e asesoramento personalizado de forma gratuíta.

O proxecto pretende dar resposta ás demandas das mulleres de áreas rurais, especialmente no ámbito da agricultura familiar. O programa diríxese á creación de emprego e ao dimensionamiento das explotacións e as empresas no sector agroalimentario.

Participa!

#fademurgalicia #Xermade #planallenrural#fademur

Programa Dinamiz-ARTj en setembro en Xermade

/in /by

Resumo das actividades que durante o mes de setembro traerá a Xermade o Programa Dinamiz-ARTj.

Co apoio do Instituto para la Transición Justa (ITJ) e a Fundación Ciudad de la Energía (CIUDEN)
#transiciónjusta #CIUDEN #dinamizartj #Xermade

Licitacións de subministracións e obras en curso no Concello de Xermade

/in /by

A mesa de contratación permanente nomeada pola Alcaldía para as licitacións da súa competencia reuniuse o 9 de agosto para a apertura das ofertas presentadas ás licitacións para a adquisición dunha miniexcavadora (financiada co Fondo de Compensación Ambiental 2023, liña de concorrencia non competitiva) e subministración de contadores de telelectura (financiada con cargo ao fondo adicional do FCL da Xunta de Galicia).

Revisada a documentación polos técnicos competentes, a mesa reuniuse de novo o 18 de agosto e acordou declarar deserta a licitación para a adquisición dunha miniexcavadora, dado que ningunha das dúas ofertas admitidas cumprían os requisitos mínimos esixidos no prego; e requirir a documentación á empresa APEX, única que cumpría os requisitos técnicos esixidos na licitación dos contadores de telelectura, a fin de que o órgano de contratación lle adxudique o contrato, que debe estar executado o 31 de outubro de 2023.

A mesa tamén se reuniu o 18 de agosto de 2023  a fin de declarar completa a documentación presentada por Jardinería Arce SL, licitador que resultou a mellora oferta presentada á licitación do contrato mixto de subministración e obras “Reformado área de xogos infantís en Roupar” (Plan Único 2022). Acto seguido, a Xunta de Goberno Local, en sesión extraordinaria, adxudicou ese contrato, que debe estar executado o 31 de outubro de 2023.

O 21 de agosto de 2023 a mesa de contratación procedeu á apertura das ofertas presentadas á obra “Mellora de camiños municipais en Cabreiros, A Poupariña e A Cruz Vella”, incluida no Plan de mellora de camiños municipais 2023-2024 de Agader. Tres ofertas incorreron en baixa temeraria, polo que se avaliará a documentación que presenten a fin de aceptar ou rexeitar estas proposicións.

O 22 de agosto de 2023 abríronse as ofertas presentadas ás “Obras de mellora do pavillón e pista deportiva de Xermade”, financiada cunha axuda da Xunta de Galicia. A mellor oferta foi a presentada pola empresa vilalbesa Cholo SL, polo que se prevé adxudicar esta semana o contrato, dado que a anualidade 2023 desta obra debe estar executada o 31 de outubro de 2023.