Convocatoria de subvencións para fomentar unha actividade de interese municipal

/in /by

A Xunta de Goberno Local do Concello de Xermade reuniuse o pasado mércores 3 de xaneiro de 2024 en sesión ordinaria. Entre outros asuntos, aprobouse a convocatoria pública de subvencións municipais a entidades públicas ou privadas para o fomento de actividades de interese municipal nos anos 2023-2024.
Esta convocatoria contempla tres novidades respecto das convocatorias de anos anteriores:
1ª. Período subvencionable: do 1 de novembro de 2023 ao 31 de outubro de 2024 (base segunda).
2ª. O crédito orzamentario é de 20.685,00 euros (base segunda) e como máximo concederánse 2.800 euros por entidade (base quinta).
3ª Posibilidade de solicitar un anticipo prepagable do 50% da subvención concedida (base sétima).
A convocatoria publicouse no BOP nº 012 o luns 15 de xaneiro e o prazo para presentar as solicitudes remata o 15 de febreiro de 2024.
As persoas e entidades interesadas poden contactar co técnico local de emprego se queren recibir máis información respecto destas axudas (ernesto@xermade.org).
Acceda aquí ao texto íntegro das bases: Bop 012 15-01-2024
Acceda aquí ao modelo de solicitude: MODELOS DE SOLICITUDE AXUDAS ASOCIACIÓNS 2024

Programa de compostaxe doméstica

/in /by

O programa de compostaxe doméstica do Concello de Xermade conseguiu a axuda solicitada á Dirección Xeral de Calidade Ambiental e Cambio Climático para a adquisición de 103 composteiros, que serán entregados a todas aquelas persoas con vivenda en Xermade que o soliciten.
O proxecto ten un orzamento total de 8.665,00€ e a axuda concedida ascende a 7.798,50€ distribuidos en dúas anualidades: 779,85€ no 2023 e 7.798,50€ no 2024.
O Concello de Xermade recibiu a notificación da concesión o 13 de decembro de 2023 e o 30 de decembro presentou a xustificación da anualidade 2023. A anualidade 2024 debe xustificarse ata o 30 de decembro de 2024.

PREMIOS IV CONCURSO DE DECORACIÓN DE NADAL

/in /by

No acto de entrega de premios tamén haberá un recoñecemento a Carolina Y. Graña Montero e á granxa “A Lagoa Serabel SC” polos recentes logros nos seus respectivos ámbitos.

Acta Xurado IV Concurso Decoración de Nadal

Actividades no Nadal

/in /by

IV CONCURSO DE DECORACIÓN DE NADAL

/in /by

O Concello de Xermade convida a toda a veciñanza a participar nun concurso de decoración de Nadal, co fin de dinamizar a participación activa da cidadanía, fomentando a súa creatividade, e incentivando a ilusión das máis pequenas e pequenos.

A data de inscrición estará aberta desde a publicación destas bases ata o 21 de decembro ás 14.30 horas.

Bases Concurso

A VIAXE FELIZ DE RAMÓN SANFIZ

/in /by

Chega a Roupar este espectáculo da man da Rede De Dinamización Lingüística.

Ramón Sanfiz, aventureiro e percusionista dunha orquestra de baile da mariña, disponse a percorrer un novo itinerario co seu triciclo. No encontro co público, cóntalles a viaxe que realizou desde a súa vila natal ata San Andrés de Teixido fiando diferentes historias que aprendeu dos habitantes que atopou polo camiño.

Esta nova produción de Fantoches Baj está baseada en Galicia, o libro de crónica de viaxes de Francisco Fernández del Riego no que o autor trazou unha ducia de itinerarios singulares percorridos polo seu alter ego: Ramón Sanfiz. Unha proposta onde a narración vai acompañada de música, monicreques, romances de cego e outras técnicas de teatro de rúa.

NARRACIÓN ORAL E MONICREQUES / +5 ANOS / 50 MIN

Autor e director Inacio Vilariño
Actor Inacio Vilariño
Música Tradicional
Escenografía Luis Iglesias, “Luchi”
Vestiario María Chenut
Cartel Iván Suárez

Xornada informativa sobre o parque eólico Santuario

/in /by

O Concello de Xermade organiza unha xornada informativa para a veciñanza afectada pola instalación do “Parque Eólico Santuario”. Participará D. Xavier Simón Fernández, catedrático de Economía Aplicada na Universidade de Vigo, e Dª. María Montero Muñoz, profesora titular do departamento de Fundamentos da análise económica e historia e institucións económicas da Universidade de Vigo.
Ambos profesores forman parte do Observatorio Eólico de Galicia. O Observatorio Eólico de Galicia (OEGA) é unha ferramenta de investigación, información, asesoramento e consulta para todas as persoas, empresas e colectivos interesados na enerxía eólica de Galicia. O OEGA naceu da colaboración entre a Fundación Juana de Vega, a Fundación Isla Couto e a Universidade de Vigo. Desde xuño de 2023, a Fundación Paideia Galiza forma parte do padroado do Observatorio.
O Observatorio, liderado polo Grupo de Investigación en Economía Ecolóxica, Agroecoloxía e Historia, ten por obxecto realizar investigacións sobre o sector eólico en Galicia co gallo transferir coñecemento entre os axentes participantes, ademais de favorecer a transparencia dos procesos de ocupación de terreos destinados a parques eólicos e identificar e amosar os impactos que a enerxía eólica xera no mundo rural.

Día: Martes, 12 de decembro
Lugar: Salón de Actos do CEIP de Xermade
Hora: 18:30

Nova área de xogos infantís en Roupar

/in /by

O Concello de Xermade recibiu a primeiros deste mes de novembro a obra denominada “Área de xogos infantís en Roupar”, adxudicada a Jardinería Arce SL en 63.987,38 euros, dos cales 58.671,30 euros foron achegados pola Deputación de Lugo a través do Plan Único de cooperación cos concellos do ano 2022.
O parque executouse na parcela que o concello adquiriu ao Arcebispado de Mondoñedo-Ferrol, constituíndo a primeira fase dun proxecto que inclúe a rehabilitación e ampliación da Casa Reitoral de San Pedro Fiz para dedicala a centro de día para persoas maiores.
Trátase da segunda área de xogos para a infancia que se executa na parroquia de Roupar, despois de que no 2018 se fixera o primeiro parque no lugar da Criba, a carón da antiga escola unitaria, dunha parcela cedida pola veciñanza ao concello.

Rehabilitación da antiga escola de Ladrela

/in /by

O Concello de Xermade vén de solicitar o acceso ao ao Fondo de cooperación para o apoio ao financiamento de actuacións de rehabilitación e conservación do patrimonio construído en concellos de menos de 50.000 habitantes (DOG n.º 182 do 23/09/2016) para o financiamento da rehabilitación da escola de Ladrela, segundo a memoria descritiva asinada pola técnica de urbanismo, medio ambiente e obras o 31/10/2023, por importe de 57.250,42 euros, cun prazo de reposición de oito (8) anos, a razón de 7.908,02 euros por ano.

A rehabilitación permitirá reforzar a estrutura e dotar ao inmoble de dúas novas estancias destinadas a baño e un espazo de cociña e almacenaxe.
Memoria valorada OCT. 2023

Charla COIDADOS BÁSICOS DO OÍDO

/in /by

Os días 23, 24 e 27 de novembro volve o autobús do servicio gratuíto COIDADOS PORTA A PORTA ó Concello de Xermade.

Os profesionais do Servizo de Audioloxía levarán unha charla informativa á Biblioteca Municipal de Xermade.