Campamento de verán

Campamento de verán que se desenvolverá do 3 ao 14 de agosto, en horario de 8 a 14 ou de 10:30 a 14 horas, de luns a venres, no pavillón polideportivo de Xermade.

Entre as actividades que faremos este ano está: saída ao parque acuático de Cerceda o día 5 (mércores); saída ao lago Das pontes o venres 7 (faremos vela e paseo en barco); saída a Esmelle o día 13 (faremos unha xornada de convivencia cos campamentos de Covas e Esmelle).

Ademais teremos un día de atención á natureza e medio, farase unha exposición de fotos feitas polas nenas e nenos; teremos unha xornada de floclore popular onde actuarán distintas nenas e nenos, con cante, baile tradicional, e tocarán instrumentos como acordeón, frauta traveseira, pandeireta, gaita…; outro día teremos xente invitada, do concello de Xermade facendo actividades e oficios de antano (e de hoxe), palilleras, labor de gancho, calceta, tecedora (cun tear), “zoqueiro“, etc. Un dos días ademais teremos diferentes maquinarias de traballo agrícola cedidas por veciñas/vos de Xermade, unha segadora, malladora, limpadora, arados…

Este campamento é gratuíto e contamos con 50 prazas que xa están cubertas.

Cartel-Campamento-Infantil-2015

Contacontos Venres 19 de Xuño

CONTACONTOS_02

XI Xornadas Interxeracionais Rurais “Aprendendo cos nosos maiores”

XI Xornadas Interxeracionais Rurais. Aprendendo cos nosos maiores.

Desde a Asociación de veciñas/os de Cabreiros, a Universidade de Santiago e o Concello de Xermade temos o pracer de presentar as XI Xornadas Interxeracionais Rurais. Aprendendo cos nosos maiores. Que se celebrarán os días 30 de maio, 6 e 13 de xuño de 2015, no local da Asociación de veciñas/os de Cabreiros.

Xornadas dirixidas a toda a cidadanía e na que convidamos a participar a todas as persoas que o desexen tanto do concello de Xermade coma de calquera punto do mundo.

Para calquera dúbida poden poñerse en contacto con calquera das persoas da organización,

José Manuel Felpeto Carballeira, presidente da Asociación de Veciños/as de Cabreiros: 619547072

Xesús Rodríguez Rodríguez (Universidade de Santiago): susodecabreiros@gmail.com

Manuela Vilaboy Romero (pedagoga-educadora familiar concello de Xermade): 982501001-678744178.

Certame de narración e debuxo infantil “Letras Galegas 2015”

CERTAME DE NARRACIÓN E DEBUXO INFANTIL

“Letras Galegas 2015”

-Convocatoria Local-

A Biblioteca Pública Municipal de Xermade convoca o Certame de Narración e Debuxo Infantil “Letras galegas 2015”, de acordo coas seguintes bases:

  • Poden participar tódolos nenos/-as con:
  • Narracións, en galego, cunha extensión máxima dun folio por unha soa cara, sobre o tema que se propón a continuación: DA CIENCIA Á FICCIÓN: O home na lúa, os robots, a realidade virtual, etc…
  • Debuxos, feitos sobre cartolina de tamaño aproximado de DIN A4, sobre o tema que se propón a continuación: DA CIENCIA Á FICCIÓN: O home na lúa, os robots, a realidade virtual, etc…
  • Cada autor pode presentar cantos traballos desexe, acompañando cada un deles cunha folla cos seus datos persoais.
  • Establécense tres categorías: A, ata 8 anos, B, de 9 a 11 anos e C, de 12 a 16 anos.
  • O prazo de presentación dos traballos rematará o vindeiro 8 de maio.
  • O xurado, formado por persoas entendidas na materia, selecionará por cada modalidade e categoría un máximo de tres traballos.
  • Os traballos premiados nesta fase local participarán na fase provincial do Certame, convocada por Biblioteca Nodal de Lugo, co patrocinio da Consellería de Cultura, Educación e Ordenación Universitaria da Xunta de Galicia.
  • O fallo do xurado local farase público antes do DÍA DAS LETRAS GALEGAS.
  • Os traballos premiados pasarán a ser propiedade da Biblioteca Pública que se reserva o dereito de publicación dos mesmos.

Obradoiro de Ilustración

ilustracion

Curso de fotografía dixital, de 30 horas de duración.

Curso de fotografía dixital, de 30 horas de duración.

Podedes traer cámara dixital, réflex, teléfono móbil, Ipad, ….

curso_fotografia