O Concello de Xermade convida a todo o alumnado do CEIP de Xermade a participar nun certame de creación artística escrita e gráfica.
Poderán concorrer ao certame o alumnado matriculado no CEIP Plurilingüe de Xermade durante o curso 2023/2024. As categorías serán:
– Categoría A: Alumnado de Infantil e 1º e 2º de Primaria.
– Categoría B: Alumnado de 2º, 3º e 4º de Primaria
– Categoría C: Alumnado 5º e 6º de Primaria.
O tema do concurso baseará sobre os seres mitolóxicos desde unha perspectiva da igualdade, fomentando a busca da ruptura de estereotipos e transmutando os mitos que contribúen o mantemento de valores patriarcais e ó reparto dos roles de xénero. Cada categoría terá unha modalidade:
– Categoría A: Creación dun debuxo.
– Categorías B e C: Creación dun conto, en lingua galega.
Os traballos deben ser inéditos e orixinais, presentados nun folio de tamaño DIN A4, sen utilizar medios dixitais para a súa realización. Entregaranse só co título, sen ningunha identificación persoal.
A entrega dos traballos será presencial, na Biblioteca Municipal de Xermade, ata o 14 de xuño, achegando unha copia das cualificacións do curso 2023/2024 ou calquera outra documentación acreditativa, a efectos de certificar que o alumno/a está matriculado no centro.
Todo o alumnado participante recibirá un vale por 30 € no momento da entrega do traballo para material escolar.
De entre os traballos entregados, escolleranse tres premios por cada categoría, que recibirán os seguintes premios:
– Categoría A:
1ºPremio: vale para material escolar por valor de 50 €
2ºPremio: vale para material escolar por valor de 30 €
3ºPremio: vale para material escolar por valor de 25 €
– Categorías B e C
1ºPremio: vale para material escolar por valor de 75 €
2ºPremio: vale para material escolar por valor de 55 €
3ºPremio: vale para material escolar por valor de 40 €
Bases I XERMADEANDO POLA IGUALDADE
Sobes ao autobús do teatro?
/in Uncategorized @gl /by Educadora FamiliarCo gallo dos seus 40 anos, o Centro Dramático Galego facilita un autobús GRATUÍTO para acudir o venres 17 de maio ao teatro en Santiago de Compostela, a ver a representación de “Os actos e as profecías”.
Cada persoa participante deberá aboar a entrada ó teatro, que terá un custo de 3 €.
Compartiremos autobús cos concellos de Muras e Guitiriz, habendo 20 prazas reservadas para o Concello de Xermade.
Previamente ó teatro, hai tempo libre para gozar de Compostela.
RUTA E HORARIOS
10:00 horas: Saída dende Muras
10:30 horas: Saída dende Xermade
11:00 horas: Saída dende Guitiriz
12:00 horas: Chegada a Santiago
12:00-17:00 horas: Visita a Santiago por libre
17:00 horas: Retirada entradas Salón Teatro
18:00 horas: Función “Os actos e as profecías”
20:30 horas: Saída cara as localidades de orixe.
Inscrición e máis información: 678 744 178 (Educadora familiar)
I Certame de creación artística escrita e gráfica: XERMADEANDO POLA IGUALDADE
/in Uncategorized @gl /by Educadora FamiliarO Concello de Xermade convida a todo o alumnado do CEIP de Xermade a participar nun certame de creación artística escrita e gráfica.
Poderán concorrer ao certame o alumnado matriculado no CEIP Plurilingüe de Xermade durante o curso 2023/2024. As categorías serán:
– Categoría A: Alumnado de Infantil e 1º e 2º de Primaria.
– Categoría B: Alumnado de 2º, 3º e 4º de Primaria
– Categoría C: Alumnado 5º e 6º de Primaria.
O tema do concurso baseará sobre os seres mitolóxicos desde unha perspectiva da igualdade, fomentando a busca da ruptura de estereotipos e transmutando os mitos que contribúen o mantemento de valores patriarcais e ó reparto dos roles de xénero. Cada categoría terá unha modalidade:
– Categoría A: Creación dun debuxo.
– Categorías B e C: Creación dun conto, en lingua galega.
Os traballos deben ser inéditos e orixinais, presentados nun folio de tamaño DIN A4, sen utilizar medios dixitais para a súa realización. Entregaranse só co título, sen ningunha identificación persoal.
A entrega dos traballos será presencial, na Biblioteca Municipal de Xermade, ata o 14 de xuño, achegando unha copia das cualificacións do curso 2023/2024 ou calquera outra documentación acreditativa, a efectos de certificar que o alumno/a está matriculado no centro.
Todo o alumnado participante recibirá un vale por 30 € no momento da entrega do traballo para material escolar.
De entre os traballos entregados, escolleranse tres premios por cada categoría, que recibirán os seguintes premios:
– Categoría A:
1ºPremio: vale para material escolar por valor de 50 €
2ºPremio: vale para material escolar por valor de 30 €
3ºPremio: vale para material escolar por valor de 25 €
– Categorías B e C
1ºPremio: vale para material escolar por valor de 75 €
2ºPremio: vale para material escolar por valor de 55 €
3ºPremio: vale para material escolar por valor de 40 €
Bases I XERMADEANDO POLA IGUALDADE
Charla informativa
/in Uncategorized @gl /by Educadora FamiliarA Xanela. Asociación de Discapacitados Activos, é unha entidade sen ánimo de lucro, creada co fin de prestar un conxunto de atencións a persoas con diversidade funcional e/ou persoas maiores.
O seu local atópase en As Pontes, onde imparten información e asesoramento, servizo de rehabilitación, respiro familiar, actividades complementarias, actividades de ocio e tempo libre, servizo de transporte adaptado, etc…
Virán a Cabreiros (Xermade) o próximo venres días 12 de abril, ás 16.30 horas, a dar a coñecer o seu traballo e os programas ofertados para a poboación do entorno.
Máis información da asociación:
-https://axanela.gal/
-981 45 24 16 / 607 23 02 49
Excursión sábado 13 de abril
/in Uncategorized @gl /by Educadora FamiliarVENDA DE PARCELAS NO PARQUE EMPRESARIAL DE XERMADE
/in Uncategorized @gl /by Educadora FamiliarA Xunta de Galicia oferta en venda solo de uso industrial no parque empresarial do Concello de Xermade.
Dito parque é xestionado polo IGVS “Instituto Galego de Vivenda e Solo”, que ofrece descontos do 30% ou 50%.
O prazo de presentación de ofertas remata o 27 de marzo de 2024.
Podedes consultar a resolución publicada no DOG o 26/02/2024 en: https://acortar.link/JariqC
Podedes consultar o listaxe de parcelas no seguinte documento: https://acortar.link/t2wmXQ
BUSCAMOS OS VOSOS RELATOS E CONTOS
/in Uncategorized @gl /by Educadora FamiliarXunto cos Concellos de Guitiriz, Vilalba, e Muras, Xermade quere recuperar relatos de veciños e veciñas de MÁIS DE 65 anos para compartilos coas novas xeracións no Día da Narración Oral, o 20 de marzo.
Cun relato duns 3 MINUTOS, abonda. Trátase de que GRAVEDES as historias onde prefirades, aínda que se precisades axuda podedes facelo na Biblioteca Municipal de Xermade.
Para unificar as gravacións, debe realizarse co MÓBIL en HORIZONTAL, a uns 5 pasos de distancia da persoa que narre.
PRAZO MÁXIMO para o envío: 18 de marzo, ó whatsapp da Biblioteca 651 03 96 15
O documento coa autorización para a publicación das gravacións está a continuación.
CONSENTIMENTO PARA A PUBLICACIÓN DAS IMAXES E VIDEOS
Celebración do 8 de marzo no Concello de Xermade
/in Uncategorized @gl /by Educadora FamiliarFinanciamento con cargo ós créditos recibidos do Ministerio de Igualdade, Secretaría do Estado de Igualdade e contra la Violencia de Xénero
Entroido 2024
/in Uncategorized @gl /by Educadora FamiliarO concurso de disfraces do Entroido 2024 en Xermade celebrarase o luns día 12 de febreiro no Pavillón Polideportivo Municipal a partires das 21.00 horas.
O prazo de inscrición de participantes será desde o momento de publicación das bases ata o 7 de febreiro.
A inscrición poderá facerse de xeito presencial no Concello ou no correo electrónico educadora.familiar@xermade.org, aportando o Anexo I cuberto e un certificado de conta.
Para consultar calquera dúbida, contactar coa Educadora familiar no 678 744 178.
Bases Entroido 2024
Anexo I: Documento inscrición Entroido 2024
Cartel Entroido 2024
Convenio coa Asociación Cometa
/in Uncategorized @gl /by Educadora FamiliarO Concello de Xermade e a Asociación Cometa asinaron un convenio de colaboración para atender animais abandonados no municipio en xaneiro de 2021.
Desde entón, Cometa faise cargo dos animais recollidos polo concello, asumindo o seu coidado e alimentación ata que sexan recuperados, cedidos ou adoptados.
Por tanto, para calquera aviso por parte da veciñanza, chamen ó concello ó 982 50 10 02 en horario de mañá e ó 112 en horario de tarde.
https://asociacioncometa.org/
Reunido o Pleno en sesión ordinaria o martes 23 de xaneiro
/in Uncategorized @gl /by Secretaria XermadeO Pleno da Corporación xermadesa celebrou a primeira sesión ordinaria do ano 2024 o martes día 23. En primeiro lugar, realizouse o sorteo de membros de mesas electorais con motivo das eleccións ao Parlamento galego que terán lugar o videiro 18 de febreiro de 2024. Na sección resolutiva aprobouse un suplemento de crédito financiado cun préstamo do Instituto Galego de Vivenda e Solo para rehabilitar a escola da Ladrela, na parroquia de Piñeiro, por importe de 63.264,12 euros; e tamén se aprobou inicialmente un regulamento para a asignación dos complementos retributivos de produtividade e gratificacións para o persoal municipal.
Na sección de fiscalización e control, douse conta do envío de información relativa ao Período Medio de Pago do 4º trimestre de 2023 (10,81 días) e do informe anual de morosidade do ano 2023. Tamén se informou da publicación dos anuncios de aprobación definitiva do orzamento do exercicio 2024 e anexos e do Plan de ordenación de recursos humanos, no Boletín Oficial da Provincia de Lugo o 15 de decembro de 2023.
A Alcaldía informou ao Pleno dos seguintes asuntos:
1º. A sinatura dun procotolo xeral para a posta en marcha dunha oficina demográfica para a integración de novos poboadores, combater o desequilibrio demográfico, recollidos no proxecto “E para vivir Lugo”, financiado polo Ministerio para a Transición Ecolóxica e o Reto Demográfico e pola Deputación Provincial de Lugo, en data 21/12/2023.
2º. A sinatura dun convenio interadministrativo de cooperacion entre a Deputación Provincial de Lugo e o Concello de Xermade para cooperar na “Fase II da reposición das beirarrúas en Xermade” ano 2023, o 29/12/2023. O financiamento ascende a 79.999,98 euros (100% dos custes da obra).
3º. A concesión dunha subvención ao abeiro da ORDE do 1 de xuño de 2023 pola que se establecen as bases reguladoras para a concesión de axudas a entidades locais de Galicia para o financiamento de actuacións en materia de biorresiduos de competencia municipal, cofinanciadas polo fondo europeo relativo ao Mecanismo de recuperación e resiliencia da UE no marco do Plan de recuperación, transformación e resiliencia, financiado pola Unión Europea-NextGenerationEU, e se procede á súa convocatoria en réxime de concorrencia non competitiva para os anos 2023 e 2024 (código de procedemento MT975P), para a adquisición de 103 composteiros, cunha axuda de 7.798,50 euros.
Xustificouse a anualidade 2023 o pasado 30/12/2023.
4º. O ingreso de 241.800,00 euros por mor da concesión de subvención polo Instituto de Transición Xusta dirixidas a proxectos de infraestruturas ambientais, sociais e dixitais en municipios de zonas afectadas pola transición enerxética no marco do Plan de Recuperación, Transformación e Resiliencia, para o proxecto “A Reitoral (CIT): rehabilitación de casa reitoral para centro internacional da torneiría”, por importe total de 403.000,00 euros.
O proxecto básico e de execución foi entregado polo equipo redactor o 25/12/2023, con rexistro nº 2023-E-RE-842. Foi remitido a Patrimonio e a Vías e Obras da Deputación de Lugo para a obtención de autorizacións sectoriais, e a supervisión da Deputación.
No apartado “mocións”, o Partido Popular presentou unha moción relativa á atención primaria, que non chegou a debatirse ao non ratificarse a urxencia por maioría absoluta.
A seguinte sesión ordinaria terá lugar o segundo xoves do mes de marzo.