O Concello de Xermade convoca un premio de investigación histórica
O Concello de Xermade, aproveitando a celebración da décima edición das Xornadas Interxeracionais Rurais de Cabreiros, presentou o I Premio de Investigación Xermade na Historia, un certame que repartirá 3.000 euros como recoñecemento aos dous mellores traballos presentados
XII Encontro Internacional de Torneiros de Madeira en Xermade
Do 21 ao 23 de setembro desenvolverase o XII Encontro de Torneiros en Galicia na localidade de Xermade. Teremos tres xornadas para participar e gozar de diversas actividades relacionadas con este tipo de artesanía, dende talleres de deseño ata exposición e venda de maquinaria.
O venres día 21 de setembro, poderemos internarnos en calquera dos tres talleres que se desenvolverán simultáneamente dende as 10 da mañá. Deberemos escoller entre descubrir los secretos do torneado translúcido da madeira, nun taller dirixido por Isabelle Martin; ou coñecer algúns conceptos de deseño seguindo os sabios consellos de Jacques Vesery; ou participar no interesante taller deBenoit Averly sobre cuncas e cajas.Esa mesma tarde, e na mañá do sábado, repetiranse estes talleres coa finalidade de que o público teña a posibilidade de asistir aos tres e non perderse nin un detalle deste XII Encontro. Todas estas actividades terán lugar no Polideportivo Municipal de Xermade.
Simultáneamente ao desenvolvemento destas actividades poderase visitar a V Exposición itinerante de madeira torneada, que estará exposta venres e sábado, no mesmo recinto, en horario de 10:00 a 14:00 e de 16:00 a 20:30 horas.
Na xornada do sábado pola tarde, teremos un espazo de torneado participativo, coa elaboración dunha peza conxunta por parte dos participantes; ademais de demostracións dos expertos invitados e un interesante espazo de iniciación para aqueles que se atrevan a experimentar in situ coa madeira.
O XII Encontro pecharase o domingo 23 cunha avaliación do evento por parte dos participantes no salón de actos do Colexio Público deXermade. Mentres no Polideportivo haberá un oco para atender a decoradores, interioristas, responsables de galerías de arte e de tendas de artesanía; e continuarán as demostracións ao público.
Se durante estes tres días nos interesa facer algunha compra tamén poderemos facelo, xa que haberá unha exposición-venda de maquinaria, ferramentas e publicacións relacionadas con esta temática e aberta ao público en xeral.
A clausura será o domingo sobre as 13:30 horas, a cargo do alcalde de Xermade, D. TomásRodríguez Arias.
Xermade gaña o II Premio Eolo á integración rural da eólica
O municipio galego de Xermade alzouse co Premio Eolo 2013 á integración rural da eólica na súa segunda edición. A Asociación Empresarial Eólica (AEE) decidiu premiar a Xermade por tratarse dun municipio modélico no que ao desenvolvemento eólico se refire. Trátase dun pobo dedicado á agricultura de autoconsumo e a gandaría, que utilizou os recursos xerados por esta enerxía para crear riqueza e emprego.
A bisbarra conta con 2.100 habitantes e 82 MW eólicos, repartidos en tres parques. O 20% da poboación total da bisbarra ten un emprego ligado directa ou indirectamente á eólica. O 20% dos ingresos do Concello proceden da eólica e reinvestíronse no desenvolvemento de actuacións de interese comunitario que melloraron a calidade de vida dos veciños. As axudas á natalidade para fomentar a permanencia no municipio, a mellora das prestacións sociais, a rehabilitación de edificios, as obras de acondicionamento urbano con actuacións racionais, as vivendas sociais e os investimentos relacionados coa sostibilidade enerxética son só algúns exemplos.