Un ano máis convocamos o Certame de Debuxo e Narrativa das Letras Galegas, unha iniciativa dirixida a fomentar a creatividade, a lectura e o uso da lingua galega entre a infancia e a mocidade.

Poderán participar nenas e nenos de ata 16 anos mediante:

• Unha narración en galego cunha extensión máxima dunha folla.
• Un debuxo realizado en papel ou cartolina tamaño DIN A4.

Categorías

• Categoría A: ata 8 anos
• Categoría B: de 9 a 11 anos
• Categoría C: de 12 a 16 anos

As persoas gañadoras participarán posteriormente na fase provincial do certame.

Tema: “Medrar lendo”

Ao longo da vida hai momentos que nos marcan: cando aprendemos a ler as primeiras palabras, cando descubrimos un conto que nos fai rir sen parar ou cando atopamos unha historia que parece falarnos directamente ao corazón.

Convidámosvos a recordar e expresar eses instantes especiais nos que os libros se converteron en compañeiros de viaxe, axudándonos a comprender o mundo, a sentirnos acompañados e a imaxinar novos camiños.

Animamos a todas as nenas e nenos a participar e compartir a súa creatividade arredor da lectura e da lingua galega.