Formada por estas entidades singulares de poboación: O Arangón, O Camiño, As Carballeiras, As Casas Novas, Castiñeiras, As Cavadas, As Folgueiras, O Fraixo, A Gloria, As Parrugueiras, O Pedreiro,A Pena, Portosilva, A Ribeira, O Roubín, O Seixido, A Silva, O Sixto, Vilariño e Xermade.

Arquitectura Relixiosa

Igrexa Parroquial. Data do primeiro cuarto de século. Posúe as esculturas da Nosa Señora do Rosario (titular) co Neno espido sobre o brazo esquerdo (s.XVIII).

Capela do Camiño. Foi restaurada recentemente. Ten planta rectangular, teito de madeira con dúas vertentes, muros de mampostería e tellado de lousa. Posúe un retablo neoclásico coa imaxe da Inmaculada. No dintel da porta aparece esta inscrición: “ESTA CAPILLA LA HIZO DN./ FRANCO PEZ I PEÑA, PRO./ AÑO DE 1.790”.

Capela de Castiñeiras. Ten planta rectangular, teito de madeira con dúas vertentes, muros de mampostería e chan de laxes con tellado de lousa. Presenta un retablo neoclásico con esta inscrición: “ESTE RETABLO SE PINTÓ PR. DEVOCIÓN DE D.MANUEL SÁNCHEZ, AÑO DE 1.876”, con escultura de Santa Eufemia (titular) e San Lucas co tinteiro nos cornos do boi e inscrición: “San Marcos, 1.876”.

Megalitismos

Medoñas de A Modia (O Fraixo), Alto dos Carballás (O Fraixo), Pena Grande (O Fraixo), Fiuco (O Fraixo), Modia das Chairas (Castiñeiras), Portalousa , Medoña do Agueo (Parrugueiras), Medoña do Grisano (Xermade), Medoñas das Encrucilladas (Pedrón) e Lamoso (Castiñeiras).

Cruceiros

Cristo Enxoito, Cruceiro de Castiñeiras, Cruceiro de Vilar do Sixto e Cruceiro de Santa Eufemia.