A Biblioteca Municipal de Xermade convida ás súas persoas usuarias a participar no Reto Lector 2026. Esta iniciativa consiste en ler ao longo do ano 10 novelas de diferentes temáticas, propostas desde a propia biblioteca.

As temáticas desta edición son:

1. Autor ou autora da Terra Chá

2. Libro protagonizado por unha muller

3. Clásico literario

4. Libro ou autor/a premiado/a

5. Poesía

6. Libro sobre un personaxe real

7. Cómic

8. Libro escrito en galego

9. Libro sobre vínculos familiares

10. Libro de misterio

As persoas que queiran participar deberán inscribirse na biblioteca, onde se lles entregará un pasaporte lector que se irá selando a medida que vaian completando as distintas temáticas, sen importar a orde das lecturas. O reto está aberto a participantes de todas as idades.

Desde a biblioteca axudarémosvos a escoller as lecturas que mellor se adapten aos vosos gustos.

Ao remate do ano, entre todas as persoas que completen o reto, sortearase un lote de libros.

Animádevos a participar e enchede este ano de lecturas!