O Concello de Xermade conmemora o día 25 de Novembro, día Internacional Contra a Violencia de Xénero cunha nova andaina simbólica de 3 kilómetros, apta para todos os públicos, co obxectivo de seguir sensibilizando e concienciando á poboación sobre esta grave lacra que azouta a todas as sociedades.
Ás 10:30 sairemos de diante do concello, recoméndase levar chaleco reflectante e calzado cómodo. Despois de percorrer os 3 km, remataremos tomando un chocolate quente no local da Asociación de Mulleres Rurais “Amuraxe” de Xermade que colaboran con esta actividade.
Ese día facilitarase información ás persoas asistentes sobre este tipo de violencia. Tamén podedes consultar na web da Xunta de Galicia: http://igualdade.xunta.gal/gl/content/que-e-violencia-de-xenero-0