Maxia pola igualdade

 

Na próxima feira, o xoves día 3 de setembro, ás 12.30 chega a Xermade o espectáculo infantil ‘A igualdade é maxia’, da man do mago Javier Muro, que busca concienciar na igualdade entre homes e mulleres e a non violencia na sociedade. Dun xeito ameno, trataremos temas como as profesións, os xoguetes,  tarefas do fogar… ¡non volo perdades!

 

A actividade está financiada con cargo ós fondos do Pacto de Estado contra a Violencia de Xénero.

 

Mellora da accesibilidade aos recursos turísticos do Concello de Xermade

O alcalde do Concello de Xermade ven de asinar un convenio de colaboración coa Axencia Turismo de Galicia para o proxecto “Mellora da accesibilidade aos recursos turísticos do concello”, cun orzamento de 12.221,00 euros, dos que a Xunta de Galicia achegará o 65% e o resto será sufragado polas arcas municipais.

O proxecto consiste na creación dunha páxina web e unha app para IOS e Android nos que se volcará toda a información detallada dos recursos de interese turístico (de carácter patrimonial, etnográfico, natural, etc.) do municipio de Xermade.  Nos vindeiros días iniciarase a licitación deste contrato de servizos.

Enlace ao convenio: Convenio_Xermade

O Pleno celebrou o 13 de agosto sesión ordinaria

A Corporación de Xermade reuniuse en sesión ordinaria o xoves 13 de agosto, ás 20:00 horas. Foi o primeiro pleno celebrado na renovada sala de sesións, e a sesión abriuse coas palabras de agradecemento do alcalde aos empregados municipais que realizaron os traballos, destacando a labor realizada por Juan José González Vázquez, que se encargou da restauración dos mobles antigos de madeiras nobles que agora locen na estancia.
Na parte resolutiva da sesión aprobouse a conta xeral do exercicio 2019, a non dispoñibilidade de créditos por importe de 62.704,28 euros e os festivos locais para o ano 2021 (martes de entroido, 16 de febreiro, e luns de Santa María, 9 de agosto).
A declaración de non dispoñibilidade de créditos aprobouse a requirimento do órgano de tutela financeira da Xunta de Galicia, dado que se incumpriu a regra de gasto na liquidación do exercicio 2019. Con esta medida, o Concello de Xermade prevé cumprir tanto o principio de estabilidade orzamentaria coma a regra de gasto cando se liquide o exercicio 2020.
Na sesión de control e fiscalización, douse conta dos decretos da Alcaldía adoptados dende a última sesión ordinaria, dos envíos realizados pola Intervención a través da Oficina Virtual de Coordinación Financeira coas entidades locais (entre os que destaca o Período Medio de Pago do 2º trimestre, de 14,56 días), e a Alcaldía informou ao Pleno tanto das medidas adoptadas por mor da COVID-19 como das subvencións solicitadas, e xustificouse a adopción de resolucións contrarias aos reparos da Intervención municipal.
Enlace á convocatoria: 20200806_Resolución_Decreto de Alcaldía _ Decreto de Presidencia _DECRETO 2020-0322 [DECRETO CONVOCATORIA]

A verdadeira historia de Hamelín

Bromas sen fin, participación do público e humor, moito humor, son a claves desta adaptación circense do clásico conto “O flautista de Hamelín” no que descubriremos o que sucedeu en realidade. A través do clown, os malabres, o xogo e a participación do público contaranos unha persoa presente alí mesmo a aldea de Hamelín foi tomada por unha praga de raros seres que molestan e fan imposible a vida dos seus habitantes. Xa coñecedes a historia que querían facervos saber… é hora de coñecer “A verdadeira historia de Hamelín”

FICHA TÉCNICA: Intérprete: MeRe Clown (David Merelas)
Estilo: Contacontos circense.
Duración: 40 minutos
Tipo de público: Infantil e familiar

O Concello de Xermade licita a área de xogos na Criba, parroquia de Roupar

O Concello de Xermade está a licitar, mediante contrato menor, a obra nomeada “Área de xogos en Roupar”, nunha parcela cedida pola Asociación de Veciños San Estebo de Roupar. O anuncio de licitación foi publicado na Plataforma de Contratación do Sector Público o pasado 3 de agosto, e o prazo de presentación de ofertas remata o vindeiro xoves 13 de agosto.
A obra está financiada co superávit do exercicio 2018, e está pendente de obter autorización de Augas de Galicia para poder iniciarse a súa execución.
No ano 2018 construiuse un parque infantil en Piñeiro, financiado co superávit do exercicio 2017; e tamén está prevista a mellora do parque infantil de Xermade con cargo ao Plan Único do ano 2020. Deste xeito, preténdese aumentar e mellorar as áreas de xogos para as crianzas do municipio.

Enlace á memoria valorada: 20200713_Outros_memoria_valorada_xogos

Acondicionamento do exterior da Biblioteca

Os operarios do Concello habilitaron e humanizaron a zona para o seu uso. O resultado é un lugar agradábel e apracible onde gozar estes días de verán. Tamén, tentaremos organizar actividades municipais compatibles cos tempos Covid que estamos a vivir.

CAMIÑOS DE COÑECEMIENTO E EXPERIENCIA

 

08/09/2020 16:30- 18:00 h
Seminario: Biodiversidade e Conservación.
Profa. Dra. Dna. Teresa Rodríguez López. Facultade de Veterinaria (USC)
Prof. Dr. D. Emilio Carral Vilariño. Escola Politécnica Superior de Enxeñaría (USC)

 

09/09/2020 16:30-18:00 h
Seminario O Corpo do Teatro.
Profa. Paloma Lugilde Rodríguez. (USC)

10/09/2020 16:30-18:00 h
Saída á Fraga da Lagoa.
Prof. Dr. D. Emilio Carral Vilariño. Escola Politécnica Superior de Enxeñaría (USC)

 

14/09/2020 16:30-18:00 h
Seminario Casais, casas
grandes e pazos. Un paseo pola tradición popular e
fidalga da Terra Chá.
Profa. Dna. Carolina Casal Chico. Licenciada en Hª da Arte e investigadora da Rede
de Estudos Medievais (USC)

 

15/09/2020 16:30-18:00 h
Visita ao Torreón dos Andrade.
Profa. Dna. Carolina Casal Chico. Licenciada en Hª da Arte e investigadora da Rede de Estudos Medievais (USC)

DATA DE CLAUSURA, PENDENTE DE CONFIRMACIÓN.

Información e matrícula gratuíta: Concello de Xermade.
Lugar de celebración: Casa escola de Cabreiros

Prazas limitadas: 15 persoas

Contratación de persoal para prevención de incendios

O Concello de Xermade está a piques de completar a contratación de persoal con cargo ao “Convenio de Colaboración entre a Consellería do Medio Rural e do Mar e o Concello de Xermade para a participación na prevención e defensa contra incendios forestais mediante a actuación de brigadas de prevención e defensa“, sendo financiada a contratación pola Consellería de Medio Rural e do Mar e fondo FEADER no marco do PDR de Galicia 2014-2020.
O 1 de xullo comezaron os dous condutores para tratamento mecanizado, e a brigada poñerase en marcha en canto se complete o segundo proceso selectivo para a contratación dun/ha xefe/a de brigada, xa que a selección que tivo lugar o pasado 16 de xullo non puido culminar na formalización do contrato laboral debido á renuncia dos aspirantes seleccionados. As bases están publicadas na sede electrónica do Concello de Xermade e o prazo de presentación de solicitudes remata o luns 3 de agosto.
O personal de tratamento mecanizado finaliza o seu contrato o 30 de setembro, mentras que a operatividade da brigada (de cinco compoñentes) será de tres meses.

Adxudicación da subministración de enerxía eléctrica

A Xunta de Goberno Local adxudicou o contrato de subministración de enerxía eléctrica para alumeados públicos e instalacións municipais a GAS NATURAL COMERCIALIZADORA SA, previa licitación por procedemento aberto simplificado.
A adxudicataria acadou a mellor puntuación (10 puntos) consonte á seguinte proposición económica:

LOTE I
CONSUMO POTENCIA TOTAL NETO IVA I.E. TOTAL BRUTO
12.473,59 € 5.862,91 € 18.336,50 € 3.850,67 € 937,49 € 23.124,65 €

LOTE II
CONSUMO POTENCIA TOTAL NETO IVA I.E. TOTAL BRUTO
9.792,46 € 10.934,58 € 20.727,04 € 4.352,68 € 1.059,71 € 26.139,43 €

Con carácter previo á licitación procedeuse ao reaxuste de potencias de varios puntos de subministración, medida que, xunto coa oferta acadada na licitación, implica un aforro para as arcas municipais dun 30% con respecto á situación anterior.
Toda a información relativa a este expediente de contratación está publicada na Plataforma de Contratación do Sector Público.
ADXUDICACION

Solicitude do Plan único de cooperación cos concellos 2020

O Concello de Xermade presentou o 30 de xuño a solicitude de participación no Plan único de cooperación cos concellos para o ano 2020, consonte ás bases aprobadas pola Deputación de Lugo. A cantidade asignada ao municipio con cargo a este plan é de 306.454,43 euros, dos cales o Concello decidiu adicar a investimentos 205.520,67 euros (o 67,06% do plan), e o resto aos programas de cultura, deportes, SAF, protección civil, fomento de emprego e gastos correntes derivados da COVID-19.

Tanto no programa de investimentos como no resto de programas se inclúen actuacións que afectan a todas as parroquias do municipio, co obxectivo de mellorar as condicións de vida e os servizos de toda a veciñanza.

O detalle das actuacións é o seguinte:

    1. INVESTIMENTOS

INVESTIMENTO

CUSTO OBRA

APORTACIÓN DEPUTACIÓN

APORTACIÓN CONCELLO

PROGRAMA DE GASTO (4 DÍXITOS)

Mellora de firme en Buscalte, Roupar, Bidueiras, Souto, Aguillón, Pena, Corveira, Sanche, Leboré, Folgueiras e Seixido

91.310,82€

75.985,62€

15.325,20€

4530

Reforma puntual da antiga escola unitaria de Cazás-A Casavella

19.945,23€

19.954,23€

0,00€

3330

Mellora de equipamentos municipais: local municipal en Momán

10.340,91€

10.340,91€

0,00 €

3330

Reposición de luminarias en Lousada, Burgás e Cazás, e ampliación de alumeado público en Lousada

20.989,63€

20.989,63€

0,00 €

1650

Novos nichos no cemiterio de Roupar

12.130,71€

12.130,71€

0,00 €

1640

Zona de xogos infantís en Xermade

10.035,45€

10.035,45€

0,00 €

1710

Mellora de equipamentos municipais: parcela anexa a polideportivode Xermade

30.822,77€

30.822,77€

0,00 €

3420

Mellora de beirarrúas de Roupar

25.270,35€

25.270,35€

0,00€

4530

TOTAL INVESTIMENTOS

220.845,87€

205.520,67€

15.325,20€

    1. PROGRAMA SAF

PROGRAMA SAF

APORTACIÓN DEPUTACIÓN

APORTACIÓN CONCELLO (VOLUNTARIA)

TOTAL SAF

Servizo de Axuda no Fogar

23.403,58 €

0,00 €

23.403,58€

    1. PROGRAMA FOMENTO DO EMPREGO

PROGRAMA FOMENTO DO EMPREGO

APORTACIÓN DEPUTACIÓN

APORTACIÓN CONCELLO (VOLUNTARIA)

TOTAL FOMENTO EMPREGO

Depuemprego (obras e servizos de rehabilitación e contratación de persoal)

59.578,14 €

0,00 €

59.578,14 €

    1. PROGRAMA DE ACTIVIDADES CULTURAIS

PROGRAMA ACTIVIDADES CULTURAIS (especificar as actividades a realizar e achegar memoria, con indicación do orzamento de gastos, distribuído por conceptos)

APORTACIÓN DEPUTACIÓN

APORTACIÓN CONCELLO

VI Premio Xermade na Historia, Escolas Culturais, Nadal e Entroido

5.005,78€

841,50€ (aportados polos usuarios)

TOTAL DESTINADO A ACTIVIDADES CULTURAIS

5.847,28€

    1. PROGRAMA DE ACTIVIDADES DEPORTIVAS

PROGRAMA ACTIVIDADES DEPORTIVAS (especificar as actividades a realizar e achegar memoria, con indicación do orzamento de gastos, distribuído por conceptos)

APORTACIÓN DEPUTACIÓN

APORTACIÓN CONCELLO

Programa de deporte escolar e programa de envellecemento activo (curso de pilates)

2.946,26€

1.781,99€ (aportados polos usuarios)

TOTAL DESTINADO A ACTIVIDADES DEPORTIVAS

4.728,25€

    1. PROGRAMA ACTUACIÓNS/EVENTOS TURÍSTICOS

PROGRAMA ACTUACIÓNS/EVENTOS TURÍSTICOS (especificar as actuacións/eventos a realizar e achegar memoria, con indicación do orzamento de gastos, distribuído por conceptos)

APORTACIÓN DEPUTACIÓN

APORTACIÓN CONCELLO

TOTAL DESTINADO ACTUACIÓNS/EVENTOS TURÍSTICOS

    1. PROGRAMA EVENTOS DE FEIRAS, MERCADOS E OUTROS

PROGRAMA EVENTOS FEIRAS, MERCADOS E OUTROS (especificar as actividades a realizar e achegar memoria, con indicación do orzamento de gastos, distribuído por conceptos)

APORTACIÓN DEPUTACIÓN

APORTACIÓN CONCELLO

TOTAL DESTINADO EVENTOS FEIRAS, MERCADOS E OUTROS

    1. PROGRAMA ADMINISTRACIÓN ELECTRÓNICA E PROTECCIÓN DE DATOS

PROGRAMA ADMINISTRACIÓN ELECTRÓNICA E PROTECCIÓN DE DATOS (especificar as actividades a realizar e achegar memoria, con indicación do orzamento de gastos, distribuído por conceptos)

APORTACIÓN DEPUTACIÓN

APORTACIÓN CONCELLO

TOTAL DESTINADO ADMINISTRACIÓN ELECTRÓNICA E PROTECCIÓN DE DATOS

    1. PROGRAMA PROTECCIÓN CIVIL

PROGRAMA PROTECCIÓN CIVIL (especificar as actividades a realizar e achegar memoria así como certificado de dispor de agrupación de protección civil, con indicación do orzamento de gastos, distribuído por conceptos)

APORTACIÓN DEPUTACIÓN

APORTACIÓN CONCELLO

Equipamento AVPC ( vestimenta, equipos de intervención e material )

4.000,00€

0,00 €

TOTAL DESTINADO PROTECCIÓN CIVIL

4.000,00 €

j. PROGRAMA DE GASTOS CORRENTES DERIVADOS DA SITUACIÓN DE ALARMA E EMERXENCIA SANITARIA POR MOR DO CORONAVIRUS (COVID-19)

PROGRAMA GASTOS CORRENTES COVID-19

DEPUTACIÓN

CONCELLO

Adquisición de mascarillas, luvas e produtos desinfectantes

2.000,00€

0,00€

Adaptación dos locais públicos coas medidas de protección necesarias

2.000,00€

0,00

TOTAL PROGRAMA

4.000,00€

0,00€