O domingo 31 de outubro ás 17.00 hora, no Pavillón Municipal (Xermade), ven a pasar unha tarde diferente.

Teremos para os nosos nenos e nenas pintacaras, xogos de Samaín, xogos dirixidos con música, e para que non falen folgos, tamén haberá unha sabedora merenda.

Non deixes de traer o teu disfrace e a túa cabaza ben decorada, xa que faremos concursos nos que se premiarán as mellores galas e as máis arrepieantes cabazas.

O aforo estará limitado, polo que será necesaria inscrición previa no teléfono 678 744 178 de Lucía Guizán, a Educadora familiar. O prazo remata o 26 de outubro.

Vente a Xermade, ¡Pasarémolo DE MEDO!

Organiza e subvenciona: Concello de Xermade

Colabora: ANPA de Xermade

O Concello de Xermade celebra o próximo venres día 15 de outubro o Día Internacional da Muller Rural cun monólogo na Casa Habanera (Roupar).

A entrada será gratuíta, sen reserva previa, e con aforo limitado.
Por protocolo Covid, será necesario deixar os datos antes de acceder ó recinto (Nome e teléfono de contacto).

Arantxa Treus é unha atriz galega, natural de Vigo. É unha artista polifacética, como mostran as súas participacións en proxectos de diversos xéneros: teatro, cine ou televisión. Participou en series como “Gondar“, “Serramoura” ou “Fariña“, ten participado en numerosos traballos de humor e comedia como o que nos trae a Roupar, onde nos falará dalgunha das súas vivencias e anécdotas sobre como ser muller e non morrer no intento.

#MullerRural
#DiaInternacionalDaMullerRural
#ArantxaTreus
#Monologo
#CasaHabaneraRoupar
#Xermade

A Xunta de Goberno Local do Concello de Xermade aprobou os expedientes de contratación das escolas culturais e deportivas para o curso 2021-2022, que dará comezo no mes de novembro.

Ademais do deporte escolar, cuxa prórroga contractual foi autorizada na pasada sesión celebrada o 8 de setembro, súmase a oferta das seguintes actividades deportivas para persoas adultas: ioga/pilates e zumba.

Polo que respecta ás escolas culturais, licítanse catro actividades distintas: pandeireta, xabóns cosméticos e cremas, crochet tradicional e XXL, e Faino ti mesm@ (manualidades).

Ambas licitacións foron publicadas na Plataforma de Contratación do Sector Público na data de hoxe, sendo o último día para presentar oferta o 14 de outubro de 2021.

No Boletín Oficial da Provincia de Lugo nº 171, de data 27 de xullo, publicouse o anuncio de información pública do estudo de impacto ambiental e a solicitude de autorización administrativa previa do parque eólico Santuario, promovido por Enel Green Power España SL, que afecta aos municipios de As Pontes, Guitiriz, Vilalba e Xermade.

O pasado 17 de agosto o Concello de Xermade convocou unha reunión informativa para a veciñanza afectada. A técnica municipal de urbanismo, medio ambiente e obras explicou ás asistentes a afección ambiental deste parque, e ata o 8 de setembro (data na que finaliza o prazo de información pública) a oficina técnica do concello está a disposición da veciñanza para ofrecer información e asesorar na presentación de alegacións. A fin de facilitar que todas as persoas afectadas podan alegar neste trámite de información pública, publícanse os seguintes documentos, en formato editable e pdf:

– Plano de afeccións: Afeccion PARQUE EOLICO SANTUARIO

– Modelo de alegacións (en word e pdf): MODELO ALEGACION

MODELO ALEGACION

– Resumo das consideracións da oficina técnica municipal: RESUMEN PARQUE EÓLICO SANTUARIO

As alegacións poden ser presentadas presencialmente no Rexistro do Concello de Xermade ou en calquera outra administración pública (art. 16.4 da Lei 39/2015, do 1 de outubro), ou ben de forma telemática, no Rexistro Electrónico Común, no seguinte enlace:

https://sede.administracion.gob.es/PAG_Sede/ServiciosElectronicos/RegistroElectronicoComun.html