Charla impartida pola Asociación Cultural Galega de Formación Permanente de Adultos (Aulas da Terceira Idade de Galicia- Entidade colaboradora da Xunta de Galicia)
O Proxecto “Actívate despois da xubilación” que presenta ATEGAL consiste en formar e informar ás persoas maiores de 50 anos dos recursos e opcións que teñen na súa zona e de como afrontar a nova etapa da súa vida de xeito ilusionante e realista.
Os obxectivos específicos son:
Fomentar hábitos de vida saudables: realización de exercicio físico, estimulación e actividade intelectual e cognitiva, alimentación saudable.
Formación práctica en novas tecnoloxías para saber estar nos tempos actuais.
Promover actividades de voluntariado e participación social.
Colaborar con outras entidades que promovan o envellecemento activo.
Charla aberta a todas as persoas interesadas.
Asociación de Mulleres Rurais de Roupar – A Criba – Roupar
Organiza Servizos Sociais Concello de Xermade