O Concello de Xermade acomete as obras de acondicionamento de camiños rurais nas parroquias de Lousada, Roupar, Burgás Miraz e Piñeiro
A Asociación de veciñas/os de Cabreiros, a Facultade de CC. Da Educación da Universidade de Santiago e o Concello de Xermade, poñemos en marcha as “XII Xornadas Interxeracionais Rurais. Aprendendo cos nosos maiores”, que se celebrarán os días 28 de maio, 4 e 11 de xuño.
Desde a organización gustaríanos facer un convite extensivo a toda a comunidade educativa e veciñal de xeito que entre todas e todos se enriquezcan estas Xornadas.
As Xornadas Interxeracionais Rurais seguen cumprindo anos coa participación de veciñas e veciños do concello de Xermade e tamén de Friol, San Sadurniño, Esmelle (Ferrol) ou Cedeira. Este ano poñeremos en valor a agrogandeiría galega, falarase da situación actual no campo, dos seus problemas e dos novos retos.
Desde Friol e Esmelle traerán a Cabreiros experiencias de Asociacións veciñais que traballan para valorizar o rural coa implicación de veciñas e veciños.
María e Laura, mozas do concello de Xermade, presentarán unha guía das asociacións que temos nas distintas parroquias e remataremos a Xornada con dous grupos de pandereteiras, cantareiras e bailadoras, de 4 a 85 anos que nos acompañan desde San Sadurniño e Cedeira (Escola Municipal de Pandereta “Saime” de San Sadurniño e Asociación Cultural Aturuxeiras de Cedeira).
Pola tarde emitirase un fermoso programa de radio dirixido por dous expertos periodistas, onde se dará voz ás asociacións que nos contarán os seus proxectos e historia e tamén á xente do público que desexe participar.
O último día das Xornadas falaremos de saúde, farase entrega e presentación do II Premio Xermade na Historia, e pola tarde, Maxia e Teatro para todos os públicos
Esperando que sexan do seu agrado, agradecemos a súa difusión e participación nas mesmas.
O Servizo de Xestión Tributaria e Recadación da Deputación Provincial de Lugo puxo ó cobro ó Imposto de Vehículos de Tracción Mecánica (aparcamento) do ano 2016.
Dito período comprenderá dende o 18 de abril de 2016 ó 20 de xuño de 20116 (ambos incluídos).
Para dúbidas, consultas ou xestións referidas ó mesmo poden pasarse polas oficinas municipais ou chamando ó Concello (982501001).
O Concello de Xermade convida a toda a veciñanza a participar nas actividades de Entroido que se están a programar.
O 6 e 7 de febreiro haberá campamento infantil para nenas e nenos de 3 a 14 anos no pavillón polideportivo, de 4 a 7 da tarde, onde participarán en variedade de xogos, carreiras, búsquedas, xogos con wii…
Esta actividade é gratuita e conta cun número de prazas limitadas a 35. As persoas interesadas en inscribir ás nenas e nenos, poden facelo na 2ª planta do Concello de Xermade (educadora familiar).
Este campamento está pendente de solicitude de subvención á Secretaría Xeral da Igualdade da Xunta de Galicia, pola convocatoria que se fai para concellos das actividades de igualdade, e que se cofinancian a través da Secretaría Xeral da Igualade, o Fondo Social Europeo e o Concello.
O Luns, día 8 de febreiro, terá lugar no pavillón polideportivo a tradicional Festa de de Entroido, onde se convida a participar a toda a veciñanza. A partir das 9:30 da noite actuará o Dúo D´Cine que amenizará a festa.
Adxúntanse as bases do concurso de disfraces que este ano inclúe como novidade a participación de nenas e nenos sempre que veñan acompañados dunha persoa adulta.
Haberá algunha que outra sorpresiña e tamén chocolate quente para todas as persoas que nos acompañen nesta noite de Festa.
Tanto para o Entroido infantil como para a Festa de Entroido do día 8, haberá un cañón de calor no pavillón.
Desexamos un bo Entroido para todo o mundo.
Para calquera dúbida poñen poñerse en contacto coa educadora familiar nos teléfonos: 982 – 501001 e 678 744 178.
Sábado, 19 de decembro ás 12 na biblioteca
Festa de Fin de Ano Infantil na Biblioteca
Mércores, 30 de decembro ás 17:00 Horas.
Dirixido a nen@s de 2 a 14 anos
Nais e pais tamén poden participar.
É necesaria a inscrición previa.
